Kwenye makala ya jana, tulimwongelea Robert Kiyosaki, hata hivyo, baada ya hiyo makala nimepokea maombi ya watu wanaouliza ni vitabu vingapi ambavyo Robert Kiyosaki ameandika? Binafsi sijawahi kusoma vitabu vyote vya Kiyosaki, hivyo, nililazimika kuangalia mtandaoni. hahaha

Hivyo, kadri ya wikipedia, wanasema kwamba Robert Kiyosaki ameandika vitabu 26. Huku kitabu chake cha Rich Dad Poor Dad kikiwa miongoni mwa vitabu ambavyo vimemtambulisha na kuuza zaidi. Kwenye makala ya leo, tunaenda kuona baadhi ya vitabu vya Robert Kiyosaki. Nasema baadhi ya vitabu kwa sababu sitaweza kueleza vitabu ambavyo sijawahi kusoma, hivyo kwenye makala ya leo nitataja na kueleza kwa ufupi vile vitabu ambavyo binafsi nimewahi kusoma tu.

Hapa ni orodha ya vitabu vyote vya Robert Kiyosaki:

1. Rich Dad Poor Dad (BabaTajiri, Baba Masikini) – Kitabu hiki kinaelezea tofauti kati ya mtazamo wa baba yake Kiyosaki ambaye alikuwa mwalimu na baba wa rafiki yake ambaye alikuwa mfanyabiashara tajiri. Kupitia kitabu hiki, Kiyosaki anaelezea mbinu za kuwa tajiri na namna ya kuwekeza katika mali isiyohamishika.
2. Cashflow Quadrant – Kitabu hiki kinaelezea tofauti kati ya walioajiriwa, waliojiajiri, wafanyabiashara na wawekezaji. Kiyosaki anasema kuwa kufikia uhuru wa kifedha, mtu anahitaji kuingia katika kundi la wafanyabiashara au wawekezaji.
3. Rich Dad’s Guide to Investing (Mwongozo wa Baba Tajiri kuhusu Uwekezaji) – Kitabu hiki kinaelezea mbinu mbalimbali za uwekezaji, pamoja na uwekezaji katika mali isiyohamishika, hisa, na biashara.
4. Rich Kid Smart Kid (Mtoto Tajiri, Mtoto Mwerevu) – Kitabu hiki kinaelezea jinsi ya kufundisha watoto juu ya pesa, uwekezaji na ujasiriamali. Kiyosaki anasema kuwa watoto wanahitaji kujifunza juu ya pesa mapema ili waweze kufikia uhuru wa kifedha katika siku zijazo.
5. Retire Young Retire Rich (Staafu Mapema, Staafu Ukiwa Kitajiri) – Kitabu hiki kinaelezea mbinu za kufikia uhuru wa kifedha na kustaafu mapema. Kwenye hiki kitabu Kiyosaki anasema ili kustaafu mapema unapaswa uwa na uhuru wa kifedha.
6. The Business School (Shule ya Biashara) – Kitabu hiki kinaelezea jinsi ya kuanzisha na kuendesha biashara. Kiyosaki anasema kuwa biashara ni njia bora ya kufikia uhuru wa kifedha.
7. The Real Book of Real Estate (Kitabu Halisi cha Mali Zisizohamishika) – Kitabu hiki kinaelezea jinsi ya kuwekeza katika mali zisiyohamishika.
8. Kiyosaki anaelezea mbinu mbalimbali za kuwekeza katika mali isiyohamishika, kama vile kununua nyumba za kupangisha, kununua na kuuza mali, na namna ya kupata washirika wa kuwekeza nao katika mali zisizohamishika.
9. Rich Dad’s Prophecy (Unabii wa Baba Tajiri) – Kitabu hiki kinaelezea jinsi ya kufikia uhuru wa kifedha katika ulimwengu wa leo. Kiyosaki anaelezea jinsi ya kutumia mbinu za uwekezaji wa kisasa, na jinsi ya kuepuka hatari za kifedha katika ulimwengu wa leo.
10. Why We Want You to Be Rich (Kwa Nini Tunataka Wewe Uwe Tajiri) – Kitabu hiki kimeandikwa kwa ushirikiano na mjasiriamali Donald Trump. Kiyosaki na Trump wanaelezea jinsi ya kufikia mafanikio ya kifedha, pamoja na mbinu za kuwekeza katika mali zisizohamishika, biashara, na soko la hisa.
11. Conspiracy of the Rich – Kitabu hiki kinaelezea jinsi mfumo wa kifedha wa dunia unavyofanya kazi, na jinsi ya kuweka mkakati wa kufikia uhuru wa kifedha katika mfumo huo. Kiyosaki anasema kuwa kufikia uhuru wa kifedha ni juu ya kuelewa mfumo wa kifedha wa dunia, na kufanya maamuzi sahihi kuhusu uwekezaji. Kiyosaki anasisitiza huu mfumo, ndio unaoutumiwa na matajiri, na wewe unapaswa kuuiga huu mfumo na kuutumia kwa manufaa yako
12. Unfair Advantage – Katika kitabu hiki Robert Kiyosaki ameeleza namna matajiri wanavyopata faida ambazo maskini hawapati. Niliwahi kuchambua kitabu hiki, unaweza kusoma uchambuzi wake hapa
13. Second Chance (Fursa ya Pili) – Kitabu hiki kinaelezea jinsi ya kutumia fursa ya pili katika maisha. Kiyosaki anasema kuwa fursa ya pili ni muhimu katika kufikia mafanikio ya kifedha, na anatoa mifano ya watu waliofanya mafanikio makubwa baada ya kukabiliana na changamoto kubwa na kisha kutumia fursa ya pili.
14. The Business of the 21st Century (Biashara ya Karne ya 21) – Kitabu hiki kinaelezea jinsi ya kufanikiwa katika biashara ya mtandao. Kiyosaki anasema kuwa biashara ya mtandao ni njia bora ya kufikia uhuru wa kifedha katika karne ya 21.

Wiki hii nimekuwa nasoma kitabu cha Rich Dad Cashflow Quadrant. Niliwahi kukisoma siku za nyuma, ila baada ya kukirudia kukisoma wiki hii, nimejifunza mengi, lakni pia nimekuandikia makala kadha wa kadha kuhusu hiki kitabu na mwandishi wa kitabu mwenyewe. Kama umekosa baadhi ya makala, basi unaweza kuzipata hapa.

SOMA ZAIDI: Kitabu cha Nguvu ya Kuchukua Hatua ya Kwanza: Kina Mbinu za Kuondokana na Hofu na Kufikia Mafanikio ya Kibinafsi

Kupata vitabu vizuri vya kusoma, basi bonyeza hapa

Kuendelea kujifunza zaidi kutoka kwetu, basi fanya kitu kimoja. Jaza taarifa zako hapa chini. Utaendelea kupokea makala kutoka kwetu kila siku kikashani mwako kwenye email.