Tujifunze kwa bahari
Kila mwaka huwa kuna mito na vijito ambavyo huwa huwa vina maji na baadaye hukauka. Wakati mito hivi na vijito, vikikauka, bahari huwa haikauki hata siku moja.
Unajua kwa nini bahari huwa haikauki, moja ya kitu ambacho huwa kinafanya bahari isikauke ni kwa sababu huwa inapokea maji kutoka kwenye vyanzo vingi. Kadiri ambavyo vyanzo hivi huwa vinaleta maji kwenye bahari ndivyo bahari huwa inazidi kuwa na uhakika wa kutokauka hata siku moja.
Hiki kitu kikufundishe na wewe kuwa, kadiri ambavyo utakuwa na vyanzo vingi vya kipato, ndivyo ambavyo utakuwa na uchumi imara na usioyumba kuliko pale unapokuwa unategemea chanzo kimoja cha kipato.
Sifa kuu ya matajiri
Sifa kuu ambayo matajiri wanayo Ni sifa ya kuwa na vyanzo zaidi ya kimoja. Richard Branson ambaye ni mmoja wa matajiri wakubwa hapa duniani, anasemekana kuwa na vyanzo 42 vinavyomwingizia kipato. Na hapa ninaposema vyanzo 42 vinavyomwingizia kipato, simaanishi kipato tu cha kawaida, Bali kipato haswa kilichoshiba.
Kila mtu kuna sehemu anaanzia
Rafiki yangu na wewe Kuna sehemu unaanzia kwenye maisha, lakini usikubali kibaki hapohapo ukiwa na chanzo hichohicho. Una unwezo wa kukuza kipato chako zaidi ya hapo. Ongeza Vyanzo vya kipato walau uwe navyo zaidi ya kimoja
SOMA ZAIDI
- Baadhi Ya Vyanzo Vya Kipato Ambavyo Unaweza Kuwa Navyo
- Kwa Nini Unahitaji Kuwa Na Vyanzo Vingi Vya Kipato
Makala hii imeandikwa na Godius Rweyongeza.
Godius Rweyongeza ni mwandishi wa vitabu zaidi zaidi ya 20. Na ni mwendeshji wa mtandao wa Songambele. Amekuwa akiandika kwenye huu mtandao huu tangu mwaka 2016. Kitabu chake cha Kutoka Sifuri Mpaka Kileleni kimekuwa #1Best Seller kwa muda sasa kwenye mtandao wa GETVALUE
Baadhi ya makala za Godius Rweyongeza zimechapwa kwenye magazeti makubwa nchini Tanzania likiwemo gazeti la MWANANCHI.
Kupata vitabu vya Godius Rweyongeza unaweza kwa kuwasiliana na 0755848391/ +255755848391 kwa simu au whatsap.
Mtandaoni, vitabu vyake unaweza kuvipata kupitia mtandao wa GETVALUE kwa KUBONYEZA HAPA