Habari ya leo rafiki yangu. Hongera sana kwa siku ya leo na siku ya kipekee sana.

Leo nataka nikueleze namna ambavyo unaweza kuendeleza kipaji chako kwa viwango vikubwa mpaka kufikia hatua za kukifanya kikutoe. 

Lakini kwanza tujiulize kipaji ni nini?
Kujibu swali la kipaji ni nini naomba usome makala hii hapa ambayo imeeleza kwa kina kuhusu kipaji. Au pia unaweza kusoma Makala hii hapa.

Sasa baada ya kujua kipaji ni nini tuone unawezaje kukiendeleza.

Zipo njia kadhaa  Ila njia ya kwanza ni kutenga muda wa kukifanyia kazi kipaji chako kila siku.

Unaweza kutenga hata nusu saa tu kwa ajili ya kunoa kipaji chako.

Pili ni kufanya mazoezi endelevu. Ni kweli umetenga muda maalumu kwa ajili ya kipaji chako. Lakini fahamu kuwa hilo peke yake halitoshi. Na hapo ndipo wewe unahitaji kuwa na nidhamu ya kufanya kitu ulichopanga bila kukosa.

Tatu, kwenye ulimwengu wa sasa mambo mengi ya yamehamia mtandaoni. Hivyo, na wewe kiweke kipaji chako mtandaoni.
Fungua akaunti kwenye mojawapo ya mitandao ya kijamii.
Tengeneza blogu
Fungua akaunti Google my business.

Yaani, kiufupi weka urahisi wa watu kukupata wanapokuwa wanaokihitaji uwasaidie na kipaji chako.

Kila la kheri
Godius Rweyongeza
0754848391